നാളെ എന്തുണ്ടാകും എന്നറിയില്ലെങ്കിലും സ്വപ്‌നങ്ങൾ കോർത്ത മുത്ത് മാലയുടെ പുറകേയാണ് നാമെല്ലാം. സത്യമേത് മിഥ്യയേത് എന്ന് തിരിച്ചറിയാനാകാതെ ശാശ്വതമായ ഇരുളിൽ തപ്പി നടന്നു പോകുന്നവർ. ലക്ഷ്യം പ്രകാശത്തിന്റെ തുരുത്തുകൾ ആണ്, അതിലെ വെള്ളി വെളിച്ചതിനായിയാണ് ഇരുളിന്റെ കാഠിന്യങ്ങൾ നാം സഹിച്ചു പോകുന്നത്. ഇടയിൽ ചെറിയ മിന്നാമിന്നി വെട്ടമായെങ്കിലും ഈ കുഞ്ഞു കഥകൾ വായിക്കുന്നവരുടെ ഒപ്പം ഉണ്ടാകട്ടെ എന്നൊരു പ്രാർത്ഥന മാത്രമാണ് കഥാകാരിക്കുള്ളത്.